NLA Spiel #5

Am letschte Dunnstig isch es mal wieder so wiit gsi, Doppelrundi im Sihlsports. Beidi Begegnige gege GC Squash.
Als ersts isches zum Showdown zwüsched em Nici und em Dimi cho. De Nici het nachere ahstrengende Wuche nümme ganz so viel Energie im Tank gha und verlürt gege de Dimi 1:3. Glichzitig het uf Court 2 de Andi en guete start gege Louai verwütscht. Nachere 2:0 Füehrig muess er sich den trotzdem no gschlage geh. Nacher isches zum Kampf David gege Goliath cho. De Sven het gege de Simon Rösner müsse ahtrette. Ihm isch leider die grossi Überaschig nöd glunge und er verlürt i 3 Sätz. Als letschts het de Viva gege de italienischi Altmeister müsse ahtrette. Er het gueti Phase i sim Spiel gha, trotzdem hets ihm nöd glanged zum de Davide in Bedrängnis z bringe.
S Highlight vom Abig: ziitglich het eusi 1. Liga Mannschaft en ungfärdete 4:0 Sieg gege GC Squash abgliefered!