NLA Spiel #2

Im 1. Uswärtsspiel vo de Saison holt s NLA-Team die erste wichtige Pünkt!

Als ersts hend de Sven gege Luca Wilhelmi und de Iain gege Philipp Hansert gspielt. De Iain het insgesamt es usglichnigs Spiel und im 2. Satz en Satzball gha, leider de aber ned chöne verwerte. Trotz gwunenem 3. Satz hets am Schluss nöd ganz glanget. De Sven het ebefalls es umkämpfts Spiel gha, er het sich eh tolli 2:1 Satzfüehrig erspielt. Im 5. Satz nach über einere Stund heter den leider aber ebefalls de chürzer zoge. Uf Positon 1 und 3 hend de Nici gege Köbi Känel und de Andi gege Luca Zatti gspillt. De Andi het routiniert sin Gegner durchgehend laufe lah und gwünnt solid mit 3:0. De Nici het wie immer, mit sim fine Händli, brilliert und tolli Shots kreiert, er gwünnt ebefalls 3:0.
Somit hemmer eus 2 Pünkt dur es positivs Unentschiede chöne hole.
Jetzt sind 2 Wuche Pause. Die nöchsti Begegnig findet am 2.11. dehei gege Panthers statt.

#scsihltal #hoppsihltal #nla #interclub #squash